Zo zuuver als wat, Det is ZuuverZat

Terugblik op LKZH2014

Aafgelaope november hebben veur (veurluipig?) de letste kier meigedaon met ut LKZH. Gedege veurbereidt en met ut van os bekende enthousiasme zien veur afgereis nao de fiëstent enikhoeze.
Aangezeen det veur as twiëde oetglaot waerde en dus oppe tijd aan de beurt ware zoot de sjtumming der metein good in. Genne Tiëd om zenuwègtig te waere, naë drek knalle.
Waal hadde we nag efkes de gelaegeheid om te laote weite det zuuverzat zien opwachting zou make. Alles volgeplèk met sjtikkers en in kleine 400 vlègskes oetgedeild ginge we de bûhne op.
Veur hadde good geoefend, en de medley zoot Bie de meiste sjtampvàs in de kop. Auch os troewe fèns ware dolenthousiast, toch blief ut, zelfs veur rasartieste als os…., altiëd lèstig om veur unne “kaaje zaal” op te traeje.
Zelf zien we diek tevreeje met os veerde plaats, gaer hadde we de priës veur beste aanhang geprolongeerd, echter det haet neet zoë moge zien.
Wat os res, is alweer ein sjoën herinnering en ein toch Waal vette foto in alle Limburgse krante, det ken nog neet idderein zègke. Klik hie veur de foto’s

Wat we kommend jaor gaan doon det blief mag efkes un verrassing. Waal haet ozze hoëgheid prins Ryan 1 alvas belaof det der meigeit om os aan te moedige.